ҮЙЛЧИЛГЭЭНИЙ НӨХЦӨЛ

1. Ерөнхий

TOMY.mn нь Дөл их наяд групп ХХК-ийн албан ёсны вэб сайт бөгөөд энэхүү Үйлчилгээний нөхцөл (цаашид “Үйлчилгээний нөхцөл” гэх) нь уг вэбсайтаар үйлчлүүлэх, худалдан авалт хийхтэй холбогдон үүсэх харилцааг зохицуулахад оршино.
Энэхүү “Үйлчилгээний нөхцөл” нь худалдан авагч худалдан авалт хийх, үйлчлүүлэхээсээ өмнө хүлээн зөвшөөрч баталгаажуулсны үндсэн дээр хэрэгжинэ.
Үйлчилгээний нөхцөлд хэрэглэсэн дараах нэр томьёог дор дурдсан утгаар ойлгоно. Үүнд:
- ”Цахим худалдааны систем” гэж Албан ёсны гэрээт борлуулагчийн бараа бүтээгдэхүүн, үйлчилгээг Хэрэглэгчдэд санал болгох, худалдан авалтыг цахимаар хийх үйлчилгээг бүрдүүлсэн цахим вэб хуудас https://tomy.mn/-г (цаашид “TOMY” гэх)
- ”Хэрэглэгч” гэж TOMY.mn үйлчилгээний нөхцөлийг хүлээн зөвшөөрч, “TOMY”-г хэрэглэж буй иргэний эрх зүйн бүрэн чадамжтай иргэн, хуулийн этгээдийг
- ”Албан ёсны гэрээт борлуулагч” гэж Бараа бүтээгдэхүүн борлуулах болон үйлчилгээ үзүүлэх албан ёсны эрхтэй хуулийн этгээд, хувь хүнийг
- ”Цахим гарын үсэг” гэж Хэрэглэгчийн танин баталгаажуулах үйл ажиллагаанд хэрэглэж буй нэвтрэх нууц үг, баталгаажилтын нэг удаагийн нууц үг, бусад цахим өгөгдлийг тус тус ойлгоно.
Хэрэглэгч нь “TOMY”-д нэвтэрч, бүртгүүлэхээс өмнө Үйлчилгээний нөхцөл, Нууцлалын бодлоготой бүрэн танилцаж, эдгээр нөхцөл, бодлогод заасан нөхцөлүүдийг хүлээн зөвшөөрсөн тохиолдолд “Би хүлээн зөвшөөрч байна.” Гэсэн товчийг идэвхжүүлснээр Хэрэглэгчийн зөвшөөрсөн тооцно.
Хэрэв Хэрэглэгч Үйлчилгээний нөхцөл, Нууцлалын бодлогыг хүлээн зөвшөөрөхгүй тохиолдолд хүлээн зөвшөөрөхөөс татгалзах бүрэн эрхтэй. Татгалзсан тохиолдолд “TOMY”-г зориулалтын дагуу бүрэн ашиглах боломжгүй болох ба үр дагавар үүсэхийг анхаарна уу.
Энэхүү Үйлчилгээний нөхцөлийн хэрэгжилтэд Дөл их наяд групп ХХК /цаашид компани гэх/ болон худалдан авагч /цаашид хэрэглэгч гэх/ нар /цаашид “Талууд” гэх/ хамтран хяналт тавина.
“www.tomy.mn” худалдааны тэмдэгт нь Дөл их наяд групп ХХК-н өмч байх бөгөөд энэхүү вэб сайтын лого, нэр , загварыг хуулах , олшруулах , дуурайх , өөр бусад ямар нэгэн зүйлд ашиглахыг хориглоно.
Вэб сайтын хөтлөлт, түүний аюулгүй байдал, вэб сайтын хэрэглэгчийн мэдээллийн нууцлалыг компани бүрэн хариуцна.

2. Хэрэглэгч болон бүртгүүлэх

Хэрэглэгчээр бүртгүүлэхдээ “TOMY”-ийн Нэвтрэх хэсгийг сонгон “Нэвтрэх” болон “Бүртгүүлэх” гэсэн сонголтын аль нэгийг сонгож өөрийн цахим шуудангийн хаяг болон утасны дугаарыг илгээнэ. “TOMY”-с Хэрэглэгчийн албан ёсны цахим хаяг болон гар утасны дугаар луу нэвтрэх нэг удаагийн нууц үг бүхий цахим гарын үсгийг илгээнэ. Хэрэглэгч нь тухайн цахим гарын үсгээр нэвтэрсний дараа нэвтрэх шинэ нууц үг болох өөрийгөө тодорхойлох цахим гарын үсэг зохиож, өөрийн хувийн мэдээллийн аюулгүй байдлыг хангах үүрэгтэй.
“TOMY”-д цахим шуудангийн хаягаар бүртгүүлэхээс гадна өөрийн албан ёсны facebook хаягаар шууд бүртгүүлж, “TOMY”-д нэвтрэх боломжтой.
“TOMY”-д Хэрэглэгчээр бүртгүүлснээр бараа бүтээгдэхүүн, үйлчилгээ захиалах, хүслийн жагсаалт үүсгэх, өөрийн захиалгыг хянах эрх үүснэ.
Хэрэглэгч нь “TOMY”-д нэвтрэх цахим шуудан болон цахим гарын үсгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна.
Хэрэглэгч “TOMY”-н талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд www.tomy.mn дээрх онлайн туслах, https://www.facebook.com/NEXTelectronics-д хандан мессеж илгээх,online@tomy.mn цахим хаяг, эсвэл хэрэглэгчийн тусламж хэсгээс “Санал хүсэлт илгээх” формыг бөглөн илгээх боломжтой.
Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ.
“TOMY”-н хэвийн ажиллагаа, түүний мэдээллийн аюулгүй байдал, мэдээллийн нууцлалыг “Дөл их наяд групп” ХХК хариуцна.

3. Захиалгын нөхцөл

Компани нь 24 цагийн үйл ажиллагаатай, энэ хугацаанд захиалга хийж болно.
Сайтад байрлуулсан үнэ нь НӨАТ орсон жижиглэнгийн болон бөөний үнэ болно.
Хэрэглэгч өөрийн сонгосон бараагаа захиалж төлбөрөө бүрэн шилжүүлсний дараа захиалга баталгаажна.
Тухайн өдрийн 19:00 цагаас хойш захиалга хийсэн тохиолдолд дараа өдрийн 09:00 цагаас эхлэн захиалга баталгаажиж хүргэлтийн хугацаа бодогдож эхэлнэ.

4. Төлбөр төлөх, захиалга баталгаажих, захиалга цуцлах

Хэрэглэгч “TOMY” цахим худалдааны системийг ашиглан 24 цагийн аль ч цагт хэдэн удаа ч захиалга хийж болно.
Хэрэглэгч захиалга хийж баталгаажуулсны дараа цахим хэлбэрээр алхмуудаа хийж захиалгаа баталгаажуулах болох цуцлах үйлдлийг хийнэ.
Хэрэглэгч нь захиалга хийснээс хойш 48 цагийн дотор зааврын дагуу төлбөрийг бүрэн шилжүүлснээр захиалга баталгаажна. “TOMY”-д захиалга баталгаажсанаар Хэрэглэгч болон Борлуулагч нарын хооронд гэрээ байгуулагдсан гэж үзнэ.
Захиалгын төлбөр 24 цагийн дотор холбогдох дансанд орж ирээгүй тохиолдолд захиалга автоматаар цуцлагдана. Нэгэнт цуцлагдсан захиалгыг дахин сэргээх боломжгүй бөгөөд Хэрэглэгч хүсвэл захиалгыг дахин шинээр үүсгэх боломжтой.
Хэрэглэгч 48 цагийн дотор төлбөрийг гүйцэтгэж чадаагүйн улмаас захиалга цуцлагдсан тохиолдолд “Дөл их наяд групп” ХХК ямар нэгэн хариуцлага хүлээхгүй.
Цахим зээлээр худалдан авалт хийсэн хэрэглэгч захиалгаа өөрийн хүсэлтээр цуцлах нөхцөлд зээлийг судалсан үйл ажиллагаанд зарцуулагдсан зээлийн үйлчилгээний шимтгэлийг буцаан шилжүүлэх боломжгүй.
Хэрэглэгчийн захиалсан барааны загвар зөрсөн , гэмтэлтэй байсан тохиолдолд “TOMY” нь тус барааг солиулах эсвэл төлбөрийг буцаан олгох сонголтыг олгоно.
Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг “TOMY” хүлээн авах, барааг буцаах боломжгүй.

5. Захиалгын бараа хүргэгдэх хугацаа

“TOMY” нь Хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн үеэс эхлэн захиалга албан ёсоор хийгдэж баталгаажсан гэж үзнэ.
Захиалга хийх, төлбөрийг шилжүүлэх, бараа, бүтээгдэхүүн хүлээж авах бүрд Хэрэглэгчийн бүртгүүлсэн цахим шууданд болон бүртгүүлсэн гар утсанд “TOMY”-ээс мэдэгдэл илгээнэ.
Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч захиалгын төлбөрийг бүрэн төлсөн өдрөөс хойш бэлэн барааг Улаанбаатар хотод 24-72 цагт, хөдөө, орон нутагт 48-96 цагийн дотор хүргэнэ.
Хэрэглэгч бараа бүтээгдэхүүний захиалгын төлбөрийг цахим зээлийн үйлчилгээгээр төлөх нөхцөлд банк таны зээлийн хүсэлтийг баталсан цагаас хойш 24-72 цагийн дотор захиалсан бараа бүтээгдэхүүнийг хүргэнэ.
Гэнэтийн болон давагдашгүй хүчин зүйл, бүх нийтийн амралтын өдрүүд, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.

6. НӨАТ-н цахим баримт илгээх тухай

Захиалгын и-баримт нь “Дөл их наяд групп” ХХК-ийн үйл ажиллагааны онцлогоос хамааран захиалга хүргэгдсэнээс хойш ажлын 3-7 хоногийн дотор Хэрэглэгчийн бүртгэлтэй цахим хаягт болон Хэрэглэгчийн профайл хэсэгт илгээгдэнэ.
НӨАТ төлөгч биш байгууллагын бараа бүтээгдэхүүний захиалгын и-баримт нь зөвхөн сугалааны эрхтэй илгээгдэнэ.
TOMY-н хэтэвчээр хийсэн захиалгад и-баримт илгээгдэхгүй болно.
Дээрх нөхцөлүүд нь хувь хүн болон байгууллагын НӨАТ-ын цахим баримтад хамааралтай болно.

7. Цахим зээлээр худалдан авалт хийх

Та “Дөл их наяд групп” ХХК болон Худалдаа хөгжлийн банк, Хаан банк, Голомт банктай хамтран санал болгож буй цахим зээлийн үйлчилгээнд хамрагдан бараа бүтээгдэхүүн, үйлчилгээг зээлээр худалдан авах боломжтой.
“TOMY” дээрх аль ч бараа бүтээгдэхүүн, үйлчилгээнээс зээлээр худалдан авах боломжтой бөгөөд зээлээр авах хэсгийг сонгож өөрийн мэдээллээ үнэн зөв бөглөх үүрэгтэй.
Таны зээл амжилттай батлагдсан тохиолдолд таны зээлээр авахаар хүсэлт гаргасан бараа бүтээгдэхүүн, үйлчилгээг хүргэхдээ таны зээлийн гэрээг хүргэлтийн ажилтан хүргэж өгөх бөгөөд таны иргэний үнэмлэхийн мэдээллийг тулган гэрээний баталгаажилтыг бүрэн гүйцэд хийж бараа бүтээгдэхүүнийг хүлээлгэн өгнө.
Та зээлийн төлбөрөө гэрээнд заасан хуваарийн дагуу төлөх үүрэгтэй бөгөөд ийнхүү төлснөөр дараа дараагийн зээл авах эрх, боломж нэмэгдэх боломжтой. Харин зээлээ төлөөгүй тохиолдолд таны мэдээлэл Монгол Банкны зээлийн мэдээллийн санд бүртгэгдэж дахин өөр банк, санхүүгийн байгууллагаас зээл авах боломжгүй болох эрсдэлтэйг анхаарна уу.

8. Бараа буцаах

Таны захиалсан бараа бүтээгдэхүүн үлдэгдэл байхгүй бол таны хүсэлтийн дагуу бараа бүтээгдэхүүнийг солиулах эсвэл төлсөн үнийн дүнг 100% буцаан олгох боломжтой.
Хэрэглэгчийн бараа хүргэгдэхээс өмнө хэрэглэгч захиалгаа буцаах эрхтэй ба үүнтэй холбоотой хүргэлтийн зардлыг хассан дүнгээр барааны үнийн дүнгээр буцаан олголтыг хийнэ.
Хэрэглэгч худалдан авсан барааг буцаах тохиолдолд барааг хүлээн авсан цагаас хойш 24 цагийн дотор 76767979 утсаар эсвэл online@tomy.mn цахим хаягаар захиалга өгснөөр буцаах боломжтой. Буцаах барааг өөрийн биеэр буцаах эсвэл өөрийн байгаа газраас авхуулж болно.
Хэрэглэгч захиалсан бараа бүтээгдэхүүнийг зохих ёсоор хүлээн авсны дараагаар дараах тохиолдлуудад доорх нөхцөлийн дагуу буцаалт хийгдэнэ. Үйлчилгээний нөхцөлд зааснаас бусад тохиолдолд буцаалт хийх боломжгүй. Үүнд:
- Захиалсан бараа хүлээн авах үед гэмтэлтэй байсан.
- Захиалсан барааны хэмжээ томдсон /багадсанаас шалтгаалан барааг солиулах хүсэлт гаргасан боловч сольж авах бараа дууссан.
Дагалдах иж бүрдэл дутуу, хайрцаг сав баглаа боодолгүй, шинэлэг байдал алдагдсан бараа бүтээгдэхүүнийг буцаах боломжгүй.
Эрхийн бичиг ашиглан худалдан авалт хийсэн бол эрхийн бичгийн үнийн дүнг төгрөгөөр тооцон буцаах боломжгүй.
Захиалсан барааг хүлээн авсны дараа ашиглалтын явцад гэмтэлтэй байсан нь мэдэгдсэн ба тухайн барааны талаар нөхцөл байдлыг барааг хүлээн авснаас хойш 24 цагийн дотор компанид мэдэгдэж, үүний дагуу баталгаат засварын инженерийн дүгнэлтэд үндэслэн буцаалт хийгдэнэ.
Буцаалттай холбоотойгоор доорх байдлаар төлбөрийн буцаалт хийгдэнэ.
- 4 болон 6-р заалтад заасан нөхцөлд 100% буцаан олголт хийгдэнэ.
- Онцгой шалтгаанаар шинэлэг байдлаа алдсан бүтээгдэхүүнийг компанийн ажилтантай зөвшилцсөний үндсэн дээр талууд буцаах шийдвэр гаргасан тохиолдолд барааны нөхцөл байдлыг үндэслэн худалдан авалтын үнийн дүнгээс 15%-30% хүртэл шимтгэлийг суутгана.
- Барааг буцаах үед барааг захиалах үед тооцож байсан анхны хүргэлтийн төлбөрийг бараа бүтээгдэхүүн, үйлчилгээний төлбөрөөс суутгаж авна. Хэрэв өөрийн байгаа газраас авхуулах тохиолдолд анхны хүргэлтийн төлбөр дээр нэмж буцаалтын хүргэлтийн төлбөрийг анхны хүргэлтийн төлбөрийн тарифын дагуу суутгах болно.
- Хэрэглэгчийн ашигласан төлбөрийн системийн дагуу барааны үнийн дүнгээс хасалт хийж үндсэн төлбөрийг хэрэглэгчид буцаан олгоно.
Хэрэглэгчийн буцаалттай холбоотой төлсөн төлбөр нь ажлын 3 хоног дотор зөвхөн тухайн хэрэглэгчийн шилжүүлэг хийсэн данс руу нь буцаагдана.

9. Хэрэглэгчийн гомдол, маргаан шийдвэрлэх

Хэрэглэгч “TOMY”-н үйл ажиллагаанд холбогдуулж санал хүсэлт, гомдол гаргах эрхтэй бөгөөд санал хүсэлт, гомдлыг цахим хэлбэрээр “Санал хүсэлт илгээх” форм бөглөж гаргана.
Хэрэглэгч нэн тэргүүнд санал хүсэлт, гомдлоо дээр дурдсан хэлбэрээр буюу TOMY-тэй шууд холбогдон гаргах бөгөөд “Дөл их наяд групп” ХХК-ийн нэр хүнд болон үйл ажиллагаанд хүндэтгэлтэй хандаж компанийн нэр хүндэд халдахуйц байдлаар олон нийтийн хэрэгслээр мэдээлэл түгээх зэргээр хориглосон аливаа үйлдлийг гаргахгүй байх үүрэгтэй.
Хэрэглэгчийн гомдлыг хүлээн авч формд үлдээсэн утасны дугаар, цахим хаягаар холбогдож хэр хугацаанд хэрхэн шийдэх тухай мэдэгдэнэ. “TOMY” таны асуудлыг судлаад өгсөн хариу болон авсан арга хэмжээнд та сэтгэл хангалуун бус байгаа тохиолдолд та Монгол Улсын шүүхэд хандаж маргааныг шийдвэрлүүлэх боломжтой.

ҮЙЛЧИЛГЭЭНИЙ НӨХЦӨЛ

1. Ерөнхий

2. Хэрэглэгч болон бүртгүүлэх

3. Захиалгын нөхцөл

4. Төлбөр төлөх, захиалга баталгаажих, захиалга цуцлах

5. Захиалгын бараа хүргэгдэх хугацаа

6. НӨАТ-н цахим баримт илгээх тухай

7. Цахим зээлээр худалдан авалт хийх

8. Бараа буцаах

9. Хэрэглэгчийн гомдол, маргаан шийдвэрлэх

Дэлгүүрийн цагийн хуваарь:

1. Ерөнхий

2. Хэрэглэгч болон бүртгүүлэх

3. Захиалгын нөхцөл

4. Төлбөр төлөх, захиалга баталгаажих, захиалга цуцлах

5. Захиалгын бараа хүргэгдэх хугацаа

6. НӨАТ-н цахим баримт илгээх тухай

7. Цахим зээлээр худалдан авалт хийх

8. Бараа буцаах

9. Хэрэглэгчийн гомдол, маргаан шийдвэрлэх

Дэлгүүрийн цагийн хуваарь: